GoShuka Բջջային Հավելվածի Օգտագործման Պայմաններ

1. Ընդհանուր դրույթներ

Սույն օգտագործման պայմանները (այսուհետ՝ «Պայմաններ») կարգավորում են օգտատերերի և GoShuka բջջային հավելվածի (այսուհետ՝ «Հավելված») օպերատորի միջև հարաբերությունները, ինչպես նաև սահմանում են հավելվածի օգտագործման կարգը: Տեղադրելով, օգտագործելով կամ այլ կերպ մուտք գործելով Հավելված, դուք համաձայնվում եք սույն Պայմաններին: Եթե դուք համաձայն չեք Պայմանների հետ, խնդրում ենք զերծ մնալ Հավելվածի օգտագործումից:

2. Հավելվածի օպերատոր

Հավելվածի օպերատորն է «ԳոՇուկա» ՍՊԸ-ն, որը գրանցված է Հայաստանի Հանրապետության օրենսդրության համաձայն (այսուհետ՝ «Օպերատոր»): Կոնտակտային տվյալներ՝ կայք՝ www.goshuka.am, էլ. փոստ՝ info@goshuka.am, հասցե՝ Երևան, Լևոնյան փողոց 17:

3. Հավելվածի ծառայություններ

Հավելվածը տրամադրում է մարքեթփլեյսին հասանելիություն՝ Հայաստանի մարզերում արտադրված ֆերմերային ապրանքների ձեռքբերման համար: Ծառայությունները ներառում են, բայց չեն սահմանափակվում՝

• Վաճառողների, ապրանքների և դրանց մասին տեղեկատվության դիտարկումով;
• Պատվերների ձևավորմամբ;
• Ապրանքների վճարմամբ և առաքմամբ;
• Վաճառողների հետ հետադարձ կապով;
• Եվ այլն:

4. Օգտատիրոջ աքաունթ

Հավելվածի օգտագործման համար անհրաժեշտ է աքաունթի գրանցում:

Օգտատերերի նույնականացումը կատարվում է բջջային հեռախոսին ուղարկված մեկանգամյա կոդով:

Օգտատերը պարտավոր է գրանցման ժամանակ տրամադրել ճշգրիտ և արդի տվյալներ, ներառյալ անուն ազգանուն (անվանում), հեռախոսահամար և բանկային հաշվի համար: Այս տվյալները ենթակա չեն ջնջման:

Օգտատերը պատասխանատու է իր աքաունթի տվյալների գաղտնիությունը պահպանելու համար:

Օպերատորն իրավունք ունի ժամանակավորապես դադարեցնելու կամ ջնջելու աքաունթը Պայմանների խախտման դեպքում:

5. Օգտատիրոջ իրավունքներ և պարտականություններ

5.1. Օգտատիրոջ իրավունքները

• Օգտագործել Հավելվածը՝ համաձայն սույն պայմաններին, դրա ֆունկցիոնալությանը և բարեխղճության սկզբունքների;
• Ստանալ տեղեկատվություն իր գործարքների, ապրանքների և ծառայությունների մասին;

5.2. Օգտատիրոջ պարտականությունները

• Չխախտել Հայաստանի Հանրապետության օրենսդրությունը;
• Չհրապարակել արգելված բովանդակություն (թեմայից դուրս, ապօրինի, վիրավորական, սպամ);
• Չօգտագործել Հավելվածը խարդախ գործողությունների համար;
• Միշտ տրամադրել ճշգրիտ տեղեկություններ իր և իր ապրանքների մասին;
• Հետևել գործարարության ավանդույթներին և գործել բարեխղճորեն ինչպես գործընկերների, այնպես էլ Հավելվածի նկատմամբ;

6. Օպերատորի իրավունքներ և պարտականություններ

6.1. Օպերատորի պարտականությունները

• Ապահովել Հավելվածի ճիշտ աշխատանքը;
• Պաշտպանել օգտատերերի անձնական տվյալները՝ համաձայն Գաղտնիության քաղաքականության;

6.2. Օպերատորի իրավունքները

• Փոխել Հավելվածի ֆունկցիոնալությունը;
• Արգելափակել օգտատերերի հաշիվները, որոնք խախտում են Պայմանները կամ ունեն ցածր վարկանիշ;

7. Պատասխանատվության սահմանափակում

Հավելվածը տրամադրվում է «ինչպես կա» սկզբունքով: Օպերատորը պատասխանատվություն չի կրում՝

• Հավելվածի աշխատանքի խափանումների համար, եթե դրանք Օպերատորի մեղքով չեն;
• Օգտագործման հետևանքով առաջացած վնասների համար, եթե դրանք Օպերատորի մեղքով չեն;
• Օգտատերերի ապօրինի գործողությունների համար;
• Ապրանքների առաքման ուշացման համար;
• Վաճառողների տրամադրած ապրանքների մասին տեղեկատվության անճշտությունների համար;
• Երրորդ անձանց գործողությունների, ներառյալ առաքման ծառայությունների համար;

8. Պայմանների փոփոխություն

Օպերատորը իրավունք ունի միակողմանիորեն փոփոխել Պայմանները: Փոփոխությունները ուժի մեջ են մտնում Հավելվածում նոր տարբերակի հրապարակումից հետո: Օգտատերը պարտավոր է ինքնուրույն հետևել թարմացումներին:

9. Անձնական տվյալների մշակման համաձայնություն

Գրանցվելով GoShuka բջջային հավելվածում, օգտատերը տալիս է իր ամբողջական համաձայնությունը իր անձնական տվյալների մշակման համար՝ ներառյալ հետևյալ դեպքերը.

• Տվյալների հավաքագրում, պահում և օգտագործում՝ Հավելվածի աշխատանքն ապահովելու համար;
• Պատվերների կատարման և ապրանքների առաքման ապահովման նպատակով տվյալների մշակումը;
• Տվյալների փոխանցում երրորդ անձանց՝ պարտավորությունների կատարման (օրինակ՝ առաքման ծառայություններ) կամ գործընկերային համաձայնագրերի շրջանակներում;
• Տվյալների օգտագործում մարքետինգի նպատակներով, ներառյալ ծանուցումներ, ակցիաներ և առաջարկներ;
• Տվյալների վերլուծություն՝ ծառայությունների որակի բարելավման համար;
• ՀՀ օրենսդրության պահանջներին համապատասխան, տվյալների տրամադրում պետական մարմինների հարցման հիման վրա;
• Օգտատերերի անվտանգության ապահովում և խարդախ գործողությունների կանխարգելում;

Օգտատերը հաստատում է, որ տվյալ համաձայնությունը մնում է ուժի մեջ Հավելվածի օգտագործման ամբողջ ընթացքում և կարող է հետ կանչվել միայն Հավելվածի օգտագործումը դադարեցնելու և հաշիվը ջնջելու միջոցով: Այդ դեպքում տվյալները կարող են մշակվել օգտատիրոջ հանդեպ պարտավորությունների կատարման կամ օրենսդրության պահանջների պահպանման նպատակով:

GoShuka բջջային հավելվածի գաղտնիության քաղաքականություն

1. Ընդհանուր դրույթներ

Սույն գաղտնիության քաղաքականությունը (այսուհետ՝ «Քաղաքականություն») կարգավորում է Հավելվածի օգտատերերի անձնական տվյալների հավաքագրման, օգտագործման և պաշտպանության կարգը՝ համաձայն Հայաստանի Հանրապետության օրենսդրության:

2. Տվյալների հավաքագրում

Մենք հավաքում ենք հետևյալ տվյալները.

• Անձնական տվյալներ (անուն, ազգանուն, բնակության և էլեկտրոնային հասցեներ, հեռախոսահամար, բանկային հաշվի համար);
• Վաճառողների, պատվերների և վճարումների վերաբերյալ տվյալներ;
• Տեխնիկական տվյալներ (IP հասցե, սարքի մասին տեղեկություններ);
• և այլ տվյալներ՝ Հավելվածի ֆունկցիոնալության զարգացման նպատակով;

3. Տվյալների օգտագործում

Հավաքագրված տվյալներն օգտագործվում են՝

• Հավելվածի աշխատանքի ապահովման նպատակով;
• Պատվերների և վճարումների մշակման համար;
• Տրամադրվող ծառայությունների որակի բարելավման համար;
• Օգտատերերի հետ հետադարձ կապի նպատակով;

4. Տվյալների փոխանցում երրորդ անձանց

Մենք փոխանցում ենք տվյալները երրորդ անձանց միայն հետևյալ դեպքերում՝ տեղեկատվության պաշտպանության բոլոր անհրաժեշտ միջոցների կիրառման պայմանով, ներառյալ տվյալների կոդավորումը, հասանելիության սահմանափակումը և երրորդ անձանց հետ գաղտնիության համաձայնագրերի կնքումը.

• Տվյալների փոխանցում երրորդ անձանց՝ պարտավորությունների կատարման նպատակով (օրինակ՝ առաքման ծառայություններ) կամ գործընկերային համաձայնագրերի շրջանակներում;
• Տվյալների օգտագործում մարքետինգի նպատակներով, ներառյալ ծանուցումներ, ակցիաներ և առաջարկներ;
• Ծառայությունների որակի և օգտատիրների փորձի բարելավման նպատակով;
• ՀՀ օրենսդրության պահանջով՝ պաշտոնական հարցումների հիման վրա և խստորեն դրա պահանջներին համապատասխան;
• Օգտատիրոջ համաձայնությամբ;

5. Տվյալների պահպանում

Անձնական տվյալները պահպանվում են Օպերատորի սերվերներում՝ պաշտպանված տվյալների բազայում և ջնջվում են դրանց մշակման նպատակի հասնելու կամ օգտատիրոջ պահանջի հիման վրա, բացառությամբ հիմնական տվյալների (անուն, հեռախոսահամար և բանկային հաշվի համար), որոնք ենթակա չեն ջնջման՝ օգտատիրոջ նույնականացման, անօրինական գործողությունների կանխարգելման, Օպերատորի պարտավորությունների կատարման և օրենսդրության պահանջների պահպանման համար:

6. Տվյալների պաշտպանություն

Օպերատորը ձեռնարկում է բոլոր ողջամիտ միջոցները տվյալների պաշտպանության համար, ներառյալ՝

• Փոխանցվող տեղեկատվության կոդավորումը;
• Տվյալների հասանելիության սահմանափակումը;

7. Օգտատիրոջ իրավունքներ

Օգտատերը իրավունք ունի՝

• Ստանալ իր տվյալների վերաբերյալ տեղեկություններ;
• Պահանջել տվյալների ուղղում կամ ջնջում (բացառությամբ հիմնական տվյալների);
• Հրաժարվել տվյալների մշակման համաձայնությունից;

8. Քաղաքականության փոփոխություն

Մենք իրավունք ենք վերապահում փոփոխել Քաղաքականությունը: Քաղաքականության նոր տարբերակը ուժի մեջ է մտնում Հավելվածում հրապարակման պահից: